MPSC UPSC Free Pre-Training 2026: महाराष्ट्रातील स्पर्धा परीक्षांची तयारी करणाऱ्या विद्यार्थ्यांसाठी महत्त्वाची माहिती समोर आली आहे. TRTI, BARTI, SARTHI, AMRUT आणि ARTI या संस्थांमार्फत राबविण्यात येणाऱ्या विविध स्पर्धा परीक्षा पूर्व प्रशिक्षण योजनांसाठी सामायिक प्रवेश परीक्षा (CET 2026-27) घेण्यात येणार आहे. या प्रशिक्षण योजनांचा लाभ घेण्यासाठी संबंधित लक्षित गटातील पात्र आणि इच्छुक उमेदवारांकडून ऑनलाइन अर्ज मागविण्यात येत आहेत. अधिकृत सूचनेनुसार शैक्षणिक पात्रता, आवश्यक कागदपत्रे आणि अर्ज करताना घ्यावयाची काळजी याबाबत सविस्तर मार्गदर्शक सूचना देण्यात आल्या आहेत. या माध्यमातून UPSC, MPSC, SSC, बँकिंग, रेल्वे, शिक्षक पात्रता परीक्षा तसेच पोलीस आणि सैन्य भरतीसारख्या विविध परीक्षांसाठी पूर्व प्रशिक्षणाच्या संधी उपलब्ध होऊ शकतात.
MPSC, UPSC, SSC, Backing, Railway, TET, Police and Military Bharti Exam Free Pre-Training 2026
कोणत्या संस्थांचा समावेश?
CET 2026-27 अंतर्गत खालील संस्थांच्या विविध पूर्व प्रशिक्षण योजनांचा समावेश आहे:
- TRTI – आदिवासी संशोधन व प्रशिक्षण संस्था
- BARTI – डॉ. बाबासाहेब आंबेडकर संशोधन व प्रशिक्षण संस्था
- SARTHI – छत्रपती शाहू महाराज संशोधन व प्रशिक्षण संस्था
- AMRUT – महाराष्ट्र संशोधन, उन्नती व प्रशिक्षण प्रबोधिनी
- ARTI – अण्णा भाऊ साठे संशोधन व प्रशिक्षण संस्था
अधिकृत सूचनेत या पाच संस्थांमार्फत विविध स्पर्धा परीक्षा पूर्व प्रशिक्षण योजनांसाठी सामायिक प्रवेश परीक्षा घेण्यात येणार असल्याचे नमूद आहे.
कोणत्या परीक्षांसाठी पूर्व प्रशिक्षण मिळणार?
| अ क्र. | पूर्व प्रशिक्षण योजना | आवश्यक शैक्षणिक पात्रता |
|---|---|---|
| 1 | UPSC – नागरी सेवा परीक्षा पूर्व प्रशिक्षण | कोणत्याही शाखेची पदवी उत्तीर्ण |
| 2 | MPSC – राज्यसेवा परीक्षा पूर्व प्रशिक्षण | कोणत्याही शाखेची पदवी उत्तीर्ण |
| 3 | MPSC – अभियांत्रिकी सेवा परीक्षा पूर्व प्रशिक्षण | संबंधित अभियांत्रिकी शाखेतील B.E./B.Tech पदवी |
| 4 | MPSC – विधी / न्यायिक सेवा परीक्षा पूर्व प्रशिक्षण | विधी शाखेची पदवी व अधिकृत सूचनेनुसार आवश्यक अनुभव |
| 5 | MPSC – गट ब व गट क सेवा परीक्षा पूर्व प्रशिक्षण | कोणत्याही शाखेची पदवी उत्तीर्ण |
| 6 | SSC – वर्ग 3 पदांसाठी परीक्षा पूर्व प्रशिक्षण | कोणत्याही शाखेची पदवी उत्तीर्ण |
| 7 | IBPS, रेल्वे, NABARD, LIC व तत्सम परीक्षा पूर्व प्रशिक्षण | कोणत्याही शाखेची पदवी उत्तीर्ण |
| 8 | महाराष्ट्र शिक्षक पात्रता परीक्षा (TET) पूर्व प्रशिक्षण | D.Ed किंवा B.Ed उत्तीर्ण |
| 9 | पोलीस व मिलिटरी भरती परीक्षा पूर्व प्रशिक्षण | पोलीस भरतीसाठी किमान 12वी उत्तीर्ण; सैन्य भरतीसाठी किमान 10वी उत्तीर्ण |
वयोमर्यादा किती आहे?
- सर्व संबंधित पूर्व प्रशिक्षण योजनांसाठी उमेदवारांची कमाल वयोमर्यादा 30 वर्षे आहे.
कौटुंबिक उत्पन्नाची अट
- कुटुंबाचे वार्षिक उत्पन्न ₹8 लाखांपर्यंत असून 2025-26 या आर्थिक वर्षाचा तहसीलदारांचा उत्पन्न दाखला आवश्यक आहे.
आवश्यक कागदपत्रे
ऑनलाइन अर्ज करताना उमेदवारांनी आवश्यक कागदपत्रे तयार ठेवणे महत्त्वाचे आहे. अधिकृत सूचनेनुसार प्रमुख कागदपत्रे पुढीलप्रमाणे आहेत:
- महाराष्ट्र अधिवास/रहिवासी प्रमाणपत्र
- जात/जमातीचे प्रमाणपत्र, लागू असल्यास
- अनुसूचित जमातीचे Caste Validity Certificate किंवा त्यासाठी केलेल्या अर्जाची पोचपावती, TRTI साठी
- 10वीचे गुणपत्रक किंवा प्रमाणपत्र
- 12वीचे गुणपत्रक किंवा Passing Certificate
- पदवीचे गुणपत्रक किंवा Passing Certificate
- 2025-26 आर्थिक वर्षाचा ₹8 लाखांपेक्षा कमी उत्पन्नाचा दाखला
- दिव्यांगत्व प्रमाणपत्र, लागू असल्यास
- अनाथ प्रमाणपत्र, लागू असल्यास
- SARTHI साठी Non-Creamy Layer प्रमाणपत्र
- AMRUT साठी LC/TC आणि EWS प्रमाणपत्र
ही कागदपत्रांची यादी अधिकृत सूचनेच्या पृष्ठ 6 वर देण्यात आली आहे.
ऑनलाइन अर्ज करताना महत्त्वाच्या सूचना
उमेदवारांनी अर्ज करण्यापूर्वी संपूर्ण सूचना काळजीपूर्वक वाचणे आवश्यक आहे. अर्जात चुकीची माहिती भरल्यास किंवा चुकीची कागदपत्रे अपलोड केल्यास पुढील टप्प्यावर उमेदवारी रद्द होऊ शकते.
उमेदवार एकापेक्षा जास्त योजनांसाठी अर्ज करू इच्छित असल्यास Registration नंतर मिळालेल्या Login ID आणि Password च्या माध्यमातून Dashboard मधील “Apply for new scheme” पर्यायाचा वापर करू शकतो. मात्र संबंधित प्रत्येक योजनेची शैक्षणिक पात्रता, वय आणि इतर अटी पूर्ण करणे आवश्यक आहे.
अर्ज भरल्यानंतर Application Form ची प्रिंट/डाउनलोड दिलेल्या मुदतीपूर्वी करून ठेवणे आवश्यक आहे. तसेच उमेदवारांनी स्वतःचा आधार क्रमांक आणि मोबाइल क्रमांक अचूक भरावा.
सरकारी नोकरी करणाऱ्या उमेदवारांसाठी महत्त्वाची अट
अधिकृत सूचनेनुसार सरकारी सेवेत असलेल्या उमेदवारांना या पूर्व प्रशिक्षण योजनांचा लाभ घेता येणार नाही. तसेच प्रशिक्षणाच्या कालावधीत सरकारी किंवा निमसरकारी नोकरी करता येणार नाही. नियमांचे उल्लंघन झाल्यास प्रवेश रद्द करून नियमानुसार कारवाई केली जाऊ शकते.
CET नंतर निवड कशी होईल?
CET उत्तीर्ण झाल्यानंतर उमेदवारांची मूळ कागदपत्रे तपासली जातील. त्यानंतर CET मधील गुणवत्ता आणि संबंधित योजनेच्या नियमांनुसार अंतिम निवड केली जाईल. केवळ CET उत्तीर्ण झाल्यामुळे निवड अंतिम मानली जाणार नाही. आवश्यक मूळ कागदपत्रे सादर न केल्यास निवड रद्द होऊ शकते.
CET, Admit Card, गुणवत्ता यादी, प्रतीक्षा यादी आणि कागदपत्र पडताळणीसंबंधी अपडेट संबंधित संस्थांच्या अधिकृत वेबसाइटवर प्रसिद्ध केले जातील. उमेदवारांनी त्यामुळे अधिकृत वेबसाइटवर वेळोवेळी माहिती तपासणे आवश्यक आहे.
महत्वाच्या सूचना
अर्ज करण्यापूर्वी आपली शैक्षणिक पात्रता, वय, उत्पन्नाची अट आणि संबंधित संस्थेची पात्रता तपासा. सर्व कागदपत्रे स्पष्ट आणि वैध स्वरूपात तयार ठेवा. अर्ज भरताना माहिती काळजीपूर्वक भरा आणि Login ID व Password सुरक्षित ठेवा.
महत्वाच्या तारखा :
- ऑनलाईन अर्ज नोंदणी सुरू : 09 ऑगस्ट 2026
- ऑनलाईन अर्ज नोंदणीची अंतिम तारीख : 23 ऑगस्ट 2026
- अर्जाची प्रिंट काढण्याची अंतिम तारीख : 26 ऑगस्ट 2026
| मुळ जाहिरात (Official Notification) | येथे क्लिक करा |
| ऑनलाईन अर्ज करा (Apply Online) | येथे क्लिक करा |
रोज नवीन Job WhatsApp वर मिळवण्यासाठी –येथे क्लिक करा