मतदान कार्ड ऑनलाईन ट्रान्सफर कसे करायचे? संपूर्ण माहिती | How to transfer an online voter card

How to transfer an online voter card: भारतात प्रत्येक नागरिकाला मतदानाचा अधिकार हा मूलभूत हक्क आहे. पण योग्य मतदारसंघात मतदान करण्यासाठी तुमचे नाव मतदार यादीत असणे आणि तो पत्ता योग्य असणे गरजेचे आहे. अनेक वेळा नोकरी, शिक्षण किंवा इतर कारणांमुळे लोक एका ठिकाणाहून दुसऱ्या ठिकाणी स्थलांतर करतात. अशावेळी नवीन पत्त्यावरून मतदान करण्यासाठी मतदान कार्डाचा (Voter ID) पत्ता आणि मतदारसंघ बदलणे आवश्यक असते.

आता ही प्रक्रिया ऑनलाईन अगदी सोप्या पद्धतीने करता येते. चला तर मग पाहूया मतदान कार्ड ऑनलाइन ट्रान्सफर म्हणजे काय आणि ते कसे करायचे:

मतदान कार्ड ऑनलाइन ट्रान्सफर म्हणजे काय?

मतदान कार्ड ऑनलाइन ट्रान्सफर म्हणजे – तुम्ही पूर्वी ज्या ठिकाणी राहत होता, त्या मतदारसंघातून सध्याच्या नवीन पत्त्यावर असलेल्या मतदारसंघात तुमची नोंद (वोटर रजिस्ट्रेशन) हलवणे. यामुळे तुम्ही नवीन ठिकाणी राहून देखील मतदान करू शकता.

How to transfer an online voter card

ऑनलाईन ट्रान्सफर करण्याची प्रक्रिया | Online Voter Card Transfer Process:

1. ECI पोर्टल उघडा:
   https://voters.eci.gov.in/ या वेबसाइटला भेट द्या.

2. Login/Sign-Up करा:

   • आधीपासून अकाउंट असेल तर Login करा.

   • नसल्यास, मोबाईल नंबर टाकून Register करा.

   • User Name, Password आणि Captcha टाका.

   • OTP टाकून लॉगिन पूर्ण करा.

3. फॉर्म 8 भरायला जा:

   • लॉगिन केल्यानंतर “Shifting of Residence” (निवासस्थान बदला) पर्यायावर क्लिक करा.

   • फॉर्म 8 निवडा.

4. स्वतःसाठी की दुसऱ्यासाठी अर्ज?

   • स्वतःसाठी करायचा असेल तर Self निवडा.

   • दुसऱ्यासाठी असेल तर Other Elector निवडा.

   • तुमचा EPIC नंबर (मतदार ओळख क्रमांक) टाका.

5. सध्याचे तपशील तपासा:

   • “Shifting of Residence” मध्ये तुमचा नवीन पत्ता आताचाच मतदारसंघ आहे का इतर ते निवडा.

6. फॉर्म 8 मध्ये माहिती भरा:

   • राज्य, जिल्हा, विधानसभा मतदारसंघ, आधार क्रमांक, मोबाईल नंबर, ईमेल आणि नवीन पत्ता यासारखी माहिती भरा.

   • नवीन पत्त्याचा पुरावा (Address Proof) अपलोड करा.

7. फॉर्म सबमिट करा:

   • सर्व माहिती नीट तपासून “Review and Submit” वर क्लिक करा.

   • फॉर्म सबमिट केल्यावर तुम्हाला SMS किंवा ईमेलद्वारे Reference Number मिळेल.

नंतर काय?

• काही दिवसांत तुमचे नवीन मतदान कार्ड निवडणूक कार्यालयातून मिळू शकते.

• किंवा तुम्ही NVSP पोर्टलवरून Digital Voter ID देखील डाउनलोड करू शकता.

आजच्या डिजिटल युगात ही प्रक्रिया फारच सोपी व पारदर्शक आहे. तुम्ही नवीन ठिकाणी राहत असाल, तर लगेचच ऑनलाइन Voter ID ट्रान्सफर करा आणि लोकशाहीमध्ये तुमचा सहभाग नोंदवा!

हा लेख उपयुक्त वाटला असेल तर इतरांसोबत नक्की शेअर करा. काही प्रश्न असतील तर विचारायला अजिबात संकोच करू नका!